Lugo Pregunta
A/a das agrupacións políticas locais da cidade de Lugo:
A cidadanía quere escoitar aos seus posibles representantes. E supoñemos que quenes aspiran a representalos están interesados en escoitar aos cidadáns. Con este obxectivo, o Movemento 15M Lugo quere convidalos a un debate na rúa co nome provisional 'Lugo Pregunta'. Queremos contar coa presenza dun integrante da súa agrupación política para respostar ás preguntas dos cidadáns que se acheguen á actividade. Nela, o seu portavoz intervirá por turnos xunto con portavoces de outras agrupacións políticas para aclarar as cuestións que lles fagan os cidadáns. Terá un tempo limitado para facelo (sesenta segundos) e a moderación coidará de que en verdade den resposta ás preguntas formuladas. Deste xeito poderase establecer un diálogo directo que de seguro será moi productivo tanto para as súas formacións políticas coma para a cidadanía.
Lembramos que non será un debate entre os portavoces, senón un diálogo cos cidadáns.
As quendas de resposta serán alternantes para non discriminar a ningún portavoz.
En canto as datas, propoñemos de xeito aberto algún venres, sábado ou domingo entre o día 23 de outubro e 6 de novembro.
Esperamos a súa resposta antes do venres 21 de outubro .De non recibila suporemos que a súa formación non ten interés en acudir á cita coa cidadanía, e isto será debidamente difundido a través dos nosos medios e da prensa escrita, como xa se fixo coa convocatoria desta actividade.
Toda suxestión será ben recibida. Poden contactar con nós a través do correo acampadalugo.comunicacion@gmail.com
